Bu kitab nə haqqındadır?

Robert Qrin “Hakimiyyətin 48 Qanunu” kitabı digər şəxsi inkişaf kitabların çox fərqlənir. Bu kitabı bir gündə oxuyub analaya biləcəyinizi düşünməyin. Çünki burada düşünməli olduğunuz bir çox məsələlərə toxunulur. Bəzi tənqidçilər tərəfindən “pisliyin kitabı” kimi adlandırılan bu kitabda “düşmənlərinizi tamamilə darmadağın edin”, “insanların zəif tərəflərini tapın”, “dost kimi görünün, casus kimi işləyin” və s. kimi tövsiyələrə yer verilib. Bir çoxumuzun vaxtaşırı şüurlu və şüursuz şəkildə tətbiq etdiyimiz bu metodlar xüsusilə biznes həyatında “hakimiyyəti” ələ keçirmək istəyən insanlar üçün faydalı olacaq. Kitab xüsusilə, liderlər, rəhbərlər və strateqlər üçün əhəmiyyətlidir.

Robert Qrin strategiya, hakimiyyət və aldatma ilə bağlı kitabları ilə məşhur olan Amerikalı yazıçı və psixologiya mütəxəssisidir. O, beynəlxalq miqyasda çox satılan kitablar sırasında özünə yer tutan beş kitabın müəllifidir: Hakimiyyətin 48 Qanunu, Yoldan Çıxarma Sənəti, Müharibənin 33 Strategiyası, Hakimiyyətin 50-ci Qanunu və  Ustalıq.

Qısa məzmunun dili: azərbaycan dilində