Sizcə bir ölkəni necə borclandırmaq olar? Bu sualın cavabını “Bir Iqtisadi qatilin etirafları” (Confessions of an Economic Hit Man) kitabında tapa biləcəksiniz. Kitab ABŞ-ın xarici siyasətini ağır bir şəkildə tənqid edir və onun digər ölkələrə tətbiq etdiyi kömək və inkişaf layihələrinin əksər hallarda yerli əhalini və ölkəni özündən asılı hala gətirib çıxardığından bəhs edir. Con Perkins İqtisadi Qatil kimi fəaliyyət göstərdiyi illərdə ABŞ-ın qlobal imperiya olmasının arxasında dayanan təkanverici qüvvə kimi korporasiya (Corporatocracy) və acgözlük sistemindən bəhs edir. “Bir İqtisadi Qatilin Etirafları” kitabı həm keçmişdə, həm də müasir dövrdə baş verən hadisələrin bir çoxunu daha yaxşı başa düşməyinizə kömək edəcək.