Sıfırdan Birə necə getmək olar?

PayPal-ın qurucularından biri olan Piter Tiel bu sualı “Sıfırdan Birə” kitabında xeyli ətraflı şəkildə cavablandırır. Bu kitabın məzmunu sizə Mavi Okean Strategiyası kitabının məzmununu xatırladacaq.

Readit.az online kitabxanası bu möhtəşəm kitab haqqında bəzi məqamları oxucuları ilə bölüşür.

Müəllif deyir ki, hal-hazırda dünyada iki meyl özünü göstərir: üfüqi və şaquli inkişaf meyli. Üfüqi inkişaf sizi 1-dən n-ə, şaquli inkişaf isə sizi 0-dan 1-ə götürəcək. Üfüqi inkişaf haqqında düşünmək asandır. Bu metod əvvəlcədən sizə məlum olan bir şeyi inkişaf etdirərkən işə yarayır. Bu yol sizi A-dan Z-yə aparacaq. Şaquli inkişaf isə daha çətindir, çünki bu zaman əvvəllər edilməmiş bir şey etməlisiniz. Onsuz da mövcud olan bir şeyi kopyalayıb yaxşılaşdıraraq inkişaf edə bilməyəcəksiniz. Texnologiya sizi sıfırdan birə götürən şeydir. Müəllifin fikrincə, siz həm üfüqi, həm də şaquli inkişafa eyni vaxtda çata bilərsiniz.

Müəllif bu kitabda həmçinin, müasir dövrü əhatə edən qloballaşma prosesinə də fikir bildirir. Piter Tiel yaxın gələcəkdə inkişaf etmiş ölkələrin digər ölkələrə liderlik edəcəyini ilə bağlı fikirləri qəbul etmir. O, bunu nümunə ilə izah edir: “Əgər Çin və Hindistan kimi nəhəng ölkələr müasir üsullardan istifadə edərək enerji istehlakını ikiqat artırarsa, katastrof dərəcəsində ekoloji çirklilik özünü göstərər”. Buna görə də yadda saxlamaq lazımdır ki, texnologiyasız inkişaf daimi deyildir.

Müəllif kitabda sizə Silikon Vadisi mütəxəssislərinin tövsiyə etdiklərindən müəyyən qədər fərqli tövsiyələr verir:

- Cəsarətli olub riskə girmək, məsuliyyətsizlikdən daha yaxşıdır.

- Zəif plan heç bir planın olmamasından daha yaxşıdır.

- Rəqabətli bazarlar gəliri yox edir.

- Satış da məhsul qədər vacibdir və s.

Müəllif rəqabəti şərh edərkən, onu heç kəsin mənfəət qazanmadığı mübarizə kimi təsvir edir. Rəqabətçi düşüncə tərzinin bizə təhsil sistemi vasitəsilə ötürüldüyünü düşünür.

Şirkət qurmaq ev inşa etmək kimidir. Onu güclü təməl üzərində qurmalısınız. Piter Tiel “Sıfırdan Birə” kitabında sizə uğurlu bir şirkətin necə qurulacağı ilə bağlı məsləhətlər verir. Məsələ burasındadır ki, həmin məsləhətlər bir çox biznes mütəxəssislərinin tövsiyələrindən fərqlənir. Piter Tiel bunu yaradıcı düşüncə ilə əlaqələndirir.

Kitabda müasir dövrün ekoloji təhlükələrindən, onların səbəb və nəticələrindən də bəhs edən müəllif qeyd edir ki, gələcəyin necə olacağını bilə bilmərik. Ancaq onun istədiyimiz kimi olmağını istəyiriksə, bu gündən etibarən onu qurmağa başlamalıyıq. Məsələ sadəcə nəsə hazırlamaq deyil, məsələ sizi sıfırdan birə götürəcək bir məhsul hazırlamaqdır.

“Sıfırdan birə” kitabın qısa məzmununu buradan oxuya bilərsiniz => İndi oxu