Effektiv ünsiyyət metodları. Qalib kimi danışın.

Effektiv ünsiyyət bacarıqları uğurlu insanların əsas xüsusiyyətlərindən biridir. Ünsiyyət qurmağı bacarmayanlar dostlarından, müştərilərindən və işçilərindən məhrum olurlar. Baxmayaraq ki, ünsiyyət həyatımızı formlaşdıran əsas bacarıqlardan biridir, insanların əksəriyyəti bunu bacarmır. Stiv Nakomotonun  “Qalib kimi danışın. Gündəlik ünsiyyət üçün 21 sadə qayda” (Talk like a Winner) kitabı vasitəsilə oxucular gündəlik ünsiyyət zamanı müvəffəqiyyəti artırmağın 21 addımı barəsində öyrənəcəklər. Readit bu kitabın məzmunu Azərbaycan və türk dillərində oxucularına təqdim edir. Digər məzmunlar kimi bu məzmun da “Oxu və tədbiq et” prinsipi ilə hazırlanıb. Bu məzmun sizdə ünsiyyət zamanı özgüvən yaratmaqda, həm biznes, hım də romantik münasibətlərin qurulmasında yardımçı olacaq.  Məzmundan bir hissəni sizinlə paylaşırıq.

Yeri gəlmişkən, hal-hazırda www.readit.az saytında 100-ə yaxın kitabın məzmunu yerləşdirib, siz bu məzmunları tək-tək 1 AZN-ə və ya abunə olaraq onlayn oxuya bilərsiniz. Çap şəklində kitab oxumağa üstünlük verənlər üçün isə sayt “Daha ağıllı ol!” kitabını təklif edir. Əgər sayta 6 aylıq abunə əldə etsəniz, abunə müddətində həm kitabxanaya girişiniz olacaq, həm də çap şəklində olan Daha ağıllı ol!” kitabını hədiyyə almış olacaqsınız.

Abunə paketləri => http://readit.az/az/subscribe/private

“Qalib kimi danışın. Gündəlik ünsiyyət üçün 21 sadə qayda” məzmunundan parça:

17. Uyğunlaşma: Ümumi bir fikir axtarın.

Bacarıqlı kommunikatorlar başqalarının söhbətlərinə uyğunlaşmaq üçün öz fikirlərini dəyişdirirlər. Beləliklə də, ziddiyyətli fikir, söz və yaxud ifadələrin səbəb olduğu emosional aşınmalar azaldılır. Bu isə vacib şəxsi və peşəkar münasibətlərin pozulmasının qarşısını alır.

Digər insanlarla ünsiyyət zamanı dörd əsas kateqoriya özünü göstərir: Bunlardan birincisi, “tamamilə eynilik” adlanır. Bu hal hər iki tərəf bir-birini tamamilə başa düşdükdə yaranır. İkinci kateqoriya isə “tamamilə fərq” adlanır və iki tərəf arasında heç bir razılaşma olmadıqda özünü göstərir. Digər iki kateqoriya isə “istisnalarla eynilik” və “istisnalarla fərq” adlanır. Bu iki kateqoriya arasındakı münasibət bu cürdür: “istisnalarla eynilik” vəziyyətində fərdlər əvvəlcə tamamilə eyni fikirdə olur, daha sonra isə müəyyən fərqliliklərə rast gəlirlər. “İstisnalarla fərq”də isə fərdlər başlanğıcda tamamilə əks fikirlərdən çıxış etsələr də, daha sonra mövqeləri arasında ümumi fikirlər tapırlar.

Şəxsi və peşəkar əlaqələrinizi yaxşılaşdırmaq üçün digər insanlar ilə davamlı münasibətlər qurmağınız vacibdir. Aşağıdakı fikirlər razı olmadığınız məsələlərdə belə, digər insanlarla uyğunlaşmağa kömək edəcək:

- Qəbul edə biləcəyiniz tərəfləri axtarın.

- Bəyəndiyiniz və zövq aldığınız məsələləri qeyd edin.

- Qarşınızdakı şəxsdə sizi heyran edən şeyləri söyləyin.

- Həmin şəxsin mövqeyinə hörmət etdiyinizi göstərən bir şey edin və yaxud söyləyin.

- Onlara necə hiss etdiklərini başa düşdüyünüzü deyin.

- Özünüzü daha yüksək mənəvi səviyyə ilə əlaqələndirin.

- “Ancaq” sözünü az-az istifadə edin.

Marketinq, menecment, satış, biznes, tarix, valideynlər üçün kitablar və digər kateqoriyalara aid olan məzmunlarla tanış olmaq üçün onlayn kitabxanaya daxil ola bilərsiniz => Kitabxana