Bu kitab nə haqqındadır?

Biznes Model Quruculuğu dünyanın qabaqcıl şirkətlərinin istifadə etdiyi güclü və tətbiqi innovasiya texnikalarını öyrədir. Bu kitabla yeni bir biznes modelinin necə qurulacağını, necə həyata keçiriləcəyini, köhnə modelin necə analiz ediləcəyini və ya yenilənəcəyini öyrənəcəksiniz. Yeni və yaradıcı modelləri mənimsəməyə hazır olan rəhbər, məsləhətçi, sahibkar və liderlər bu kitabdan biznes modellərini anlamaq, dizayn etmək və həyata keçirməkdə faydalana biləcəkləri güclü və sadə vasitələr tapacaqlar. Əgər sizin şirkət yeni reallığa adaptasiya olmaq istəyirsə, ancaq rəqiblərdən önə çıxaracaq strategiyası yoxdursa, “Biznes model quruculuğu” kitabını mütləq oxumalısınız.

Aleksandr Ostervalder biznes modelləşdirilməsi və Biznes Modeli Lövhəsinin (Business Model Canvas) inkişaf etdirilməsi ilə bağlı gördüyü işlərlə tanınan İsveçrəli biznes nəzəriyyəçisi, yazıçı və məsləhətçidir.

Belçikalı kompüter mühəndisi olan İv Piqneur, Aleksandr Ostervalder ilə birlikdə biznes modeli löhvəsində gördüyü işlərlə tanınır, 1984-ci ildən bəri Lüsyen Universitetində İdarəetmə İnformasiya Sistemləri professoru olaraq işləyir.

Qısa məzmunun dili: azərbaycan dilində